Marcel Bas (1970) is 'n taalkundige wat spesialiseer in Afrikaans. Hy is gebore en getoë in Nederland en hy bly in Voorschoten, Nederland, maar hy kuier gereeld in Port Elizabeth, Suid-Afrika. Hy is 'n eindredakteur en 'n vertaler van Engels, Afrikaans, Duits en Nederlands. Daarnaas gee

Marcel Bas, die hoofredakteur

hy privaatklasse in Afrikaans en Nederlands. Hy is sewe tale magtig.

Sy boek Code-switching in the Afrikaans speech community of South Africa: Can Afrikaans-English code-switching lead to a language shift to English? (2019) handel oor die blywende en moontlike gevolge van Afrikaans-Engelse taalvermenging (kodewisseling) vir Afrikaans.

Daarnaas skryf hy oor maatskaplik-kulturele kwessies: sy boek Zwarte Piet: discriminerend of fascinerend? (2013) handel oor die oningeligte ophef wat ontstaan het oor die ou Nederlandse folklorekarakter Zwarte Piet.

Hy is tewens 'n outeur vir die Vlaamse nuus- en meningswebwerf Doorbraak en die Suid-Afrikaanse tydskrif Perspektief van die Vryheidstigting.

In die verlede het hy geskryf vir maatskaplik-kulturele tydskrifte soos Sta-Vast (1991-2000), Zuid-Afrika Nú en Saamtrek (1992-2000), Zuid-Afrika (1996), die SOS-Nieuwsbrief voor Metapolitiek (1999-2001), Weerwoord (1998-2002) en Bitter Lemon (2007-2008).

- LinkedIn-bladsy
- Academia-bladsy
- Uitgewersbladsy
- Vertaalwerkprofiel
- Outeurbladsy by Doorbraak

E-pos: roepstem@hotmail.com