Marcel Bas (1970) is gebore en getoë in Nederland en bly in Voorschoten, Nederland, maar hy kuier gereeld in Port Elizabeth, Suid-Afrika. Hy is 'n meersterstudent in Taalwetenskap aan die Universteit Leiden, 'n vertaler van Engels, Afrikaans, Duits, Frans en Nederlands; hy werk by 'n skool, en hy gee privaatklasse in Afrikaans en Nederlands.

Marcel Bas, die hoofredakteur

Sy BA-verhandeling Is Afrikaans-English Code-mixing a Preliminary Stage to an Afrikaans Language Shift to English? (2013) handel oor die blywende en moontlike gevolge van Afrikaans-Engelse taalvermenging (kodewisseling) vir Afrikaans. En in Januarie 2015 het hy in Port Elizabeth navorsing gedoen onder die Afrikaanstalige gemeenskappe. Op die oomblik werk hy aan sy MA-skripsie, wat gebaseer is op die sosiolinguïstiese data en spraakopnames wat hy daar verkry het.

Daarnaas is hy 'n skrywer - in 2013 het hy sy eerste boek geskryf - en is hy 'n redigeerder van tekste. Bas is sewe tale magtig.

Hy is tewens 'n redakteur vir die Vlaamse e-tydskrif Doorbraak, vir die Vlaamse tydskrif TeKoS en vir die Nieuwsbrief Taalverdediging. As 'n voorvegter vir Afrikaans en Nederlands is hy tewens die voorsitter van die Nederlandse (ook Vlaandere- en Suid-Afrika-gerigte) Stichting Taalverdediging.

In die verlede het hy geskryf vir tydskrifte soos Sta-Vast (1991-2000), Zuid-Afrika Nú en Saamtrek (1992-2000), Zuid-Afrika (1996), die SOS-Nieuwsbrief voor Metapolitiek (1999-2001), Weerwoord (1998-2002) en Bitter Lemon (2007-2008).

- LinkedIn-bladsy
- Academia-bladsy
- Uitgewersbladsy
- Vertaalwerkprofiel

E-pos: roepstem@hotmail.com